Avertissement ! Les mots entre crochets, illisibles sur la charte coté 1 H 3014/1, ont été restitués par Maurice Prou, grâce à deux copies des XII-XIIIe siècle.
Cf. l’appendice d’Une Charte de Garin […], pp. 14-16.
In nomine summæ et individuæ Trinitatis, Patris et Filii et Spiritus Sancti, amen
Robertus, rex [Franc]iae, proceres suos certa de ca[usa in] palatio Compendii conduxerat quod ad eum Romanorum
imperator Heinric[us] Gerardum, Kamaraci episcopum, et Richardum, Virduniensem abbatem, legationis gratia miserat.
Aderat ergo comes F[lan]driæ, Balduinus honesta barb[æ], cum quo venerabilis vitæ Ledvinus, abba cenobii beati
Vedasti, vir plane dignus omnium bonorum dilectione, ubi etiam ego Warinus, Belvacensis sedis episcopus, bono
meo omine interfui, [cum] ibidem tanti viri notitiam et sancte societatis presidium paraverim mee indignitati. Communica[to]
enim cum sancto viro sermone, nichil ab eo visum est optabilius exposcere quam suam societatem et sancte æcclesiæ sibi
commissæ, quam ipse cum summo karitatis affectu michi et omnibus æcclesiæ beatri Petri filiis, episcopalis scilicet sedis, concessit
suppliciterque ut et ipse meam et æcclesiæ nostræ societatem et beneficium mereretur expetiit. Sic unita alternarum æcclesiarum fraterna societate, visum
est mihi hanc sancte societatis pactionem confirmare memoriali karitatis pignore. Ipsa æcclesia beati scilicet Vedasti in episcopio nostro villam
Angicurt habere noscitur, [no]sque altare æcclesiæ ipsius ville possidemus. Ips[iu]s ergo altaris tertiam partem, pro nostra successorumque nostrorum salute, æcclesiæ predicti
sancti contribuimus, utque ex red[itu] tertie illius partis vinum ad celebrandas missas eidem æcclesiæ amministretur constituimus, ab æcclesia autem episcopali
juri nullam consuetudinem persolvendam statuimus vel statui permittimus, nisi ut in sinodo .VIII. denarii pro obsonio in anno persolvantur. Et ne quis hoc
perfunctorie fieri umquam com[mentetur], episcopalis sigilli obsignatione inconvulse in posteros perpetuamus ; interminamus insuper episcopali
auctoritate ne quis hoc [mut]are vel de his [remor]dere aliquid presumat vel causas in[nectendo] æcclesiæ dampnum moliatur vel inferat,
[negligenti vero hanc nostram interminationem] geh[ennales penas minando indicimus sicut e di]jverso conservanti beatitudinem veram pro[mittendo]
[optamus. Ut ergo posteris clare]at nos super h[oc] nego[tio multorum probabilium communicasse] et ex eorum hoc [egisse] con- silio, quos [adesse tunc contigit,]
et attestatione hoc fieri testium [ju]re sub[notamus].
Signum
Rotberti, Franchorum regis gloriosi, cujus consilio et ap- -probatione actum est.
S. Henrici, filii ejus. S. Balduini, comitis Flandrorum honeste barbe.
S. Richardi, Nortmannorum comitis, et Rotberti, fratris ejus archiepiscopi.
[S.] Rodulfi comitis. S. Drogonis. S. Rotgerii. S. Heylonis. S. Herlandi.
[S. Bur]chardi, filii Burchardi de Monte Morinciaco. S. Fulchonis, Ambia-
[nensium] episcopi. S. Gerardi, Kamaracensium presulis et Ri- Virdunensium abchardi batis
[qui ibi cau]sa legationis aderant. S. Ledvini, abbatis sancti Vedasti. S. Huberti abb[atis]. [sancti Luciani. S. Vualteri Cameracensis. S. Burcar]di comitis. S. Alberti Cred[ulensis et Guillelmi fratris ejus].
S. [Bal]duini [de Claro]monte. Ego Baldvinus cancellarius perlegendo subscripsi.
Acta sunt hæc Compendio palatio, mense maio, prima die mensis, anno incarnati Verbi.
.M. .XXX. VIIII., indictione. VI., regnante serenissimo rege Franchorum Rotberto
anno imperii sui .XX. VIIII.